The Art of No Response

FullSizeRender-2

每次見到有小朋友明知無大礙地跌一交隨即大叫大嚷又喊又盛時,
我心裡暗暗的都為自己的兒子自豪。
因為,他跌倒了,
會拍拍雙腳,
然後若無其事的繼續前行,
沒有任何drama。

這個反應背後,其實有許多學問。
孩子跌倒後的反應,
其實與caretakers的反應有直接關連。
根據social psychology 的expectation theory,
人會配合周圍的人的expectation去俾反應。
父母一見孩子跌倒不理嚴重與否就超緊張地衝埋身,
個細路都未當是一回事就expect佢好痛好慘而又呵又錫,
個細路會發現原來跌低你係expect我喊的嗎?
ok,no problem,就喊俾你睇!
話唔定仲會有secondary gain有人會買糖買玩具來利誘我收聲。
假以時日,港孩就此煉成。

當我的兒子幾個月大開始識爬,開始有機會跌倒撞傷的時候,
我已決定有小意外發生時(即明知並非嚴重case),
會根據他的反應來俾反應,我自己不會先俾反應。
如果他無反應,我就無反應 (雖然自己心痛得很,忍得好辛苦唔出聲的說)。
如果他有反應,我就會上前comfort。
原因:
他無反應,即無大礙,我就無需為他create任何drama。
他痛他有不適他真的受驚的話,natural response就是會有response,
我只需給予他需要的關心,陪伴和physical & emotional healing就夠,
無需額外加入任何言語物質去minimize或maximize件事,
只需讓他如實經歷當下的感覺。

有些父母會第一時間說:「無事,無事!」
潛台詞無非是自己覺得好有事所以先拔頭籌去minimize件事。
這樣,孩子的感覺,或者說,孩子未來得切感覺,就已經即時被deny了。
有些父母則會衝住去大叫「點呀?好痛呀?好慘。。。」去maximize件事。
Dramatize件事也不會令孩子學懂感受自己真正的感覺。

其實,
有無事,孩子自然會告訴你。
做父母的,最大的challenge,
正是處理自己的fear,
將主導權還給孩子,
讓孩子感受屬於自己的生命。

Advertisements