The Truth Therapy ~ Healing with the Souls of Nature 1

大自然充滿老師,
如果我們願意覺察、感受與應用,
每一刻都是學習、轉變和療癒的機會。

對於精油,純露,flower essences,gem essences and environment essences,
我學習的方式首先熟讀安全應用守則和應用方法,
然後重點了解和感受每種souls of nature的性格特質和想帶給我們的訊息,
就像我開workshop或做session時用心感受每一個人的特長和需要一樣去認識它們。
當要應用時就運用自己的直覺因應需要去調配,
因此我blending的方式是intuition與knowledge的煉成,
非常「人性」,焦點著重於情緒,心靈與靈性的轉化。

今天有點技癢,因此想來個分享。
簡單點,由香薰擴香開始。
(*前設:選用的一定是上等品質的材料方有成效)

如果你的人生正處於有如今日天氣般的嚴重迷霧中,
我會prescribe這個blend,
放入噴霧機中,
讓嗅覺帶你回歸自己的essence中扎根。

Cardamon 豆蔻 (Oshadhi) – 2 drops
Siberian Cedarwood 西伯利亞雪松 (The Ringing Cedars of Russia) – 3 drops
Bergamot 佛手柑 (Canvas) – 2 drops
Thyme Linalol Hydrosol沈香醇百里香純露 (Florihana) – as you wish

Cardamon 能令人面對轉變時有動力而冷靜地面對;
西伯利亞雪松提醒你要正直和協助你找回自己的vision與方向而並非活於別人或社會的期望中;
Bergamot協助人走出陰霾,像一位永遠支持你的好朋友向你作出鼓勵,讓你看到光,煥發愉悅心情;
沈香醇百里香純露可淨化心輪,排走周遭的人對自己過多的意見和建議,讓自己看清自己真正渴求。

心情轉了,氣場就變了;氣場變了,能量就重整了。

可以的話,
在噴霧機附近坐下來合上眼放空兩分鐘去安頓自己的靈魂,
只因,
找回自己,連結自己,感受自己,
是基本心靈需要。

Advertisements
Posted in be

《治療師隨筆》- 靈性OCD


洗手,不是問題。
不停洗手,唔洗覺得會死,是問題。

同樣地,使用各樣身心靈工具不是問題。
覺得唔日日fing 過個pendulum唔安樂, 出門口前無meditate無唸過經無畫過符覺得唔出得街,決定事情前無起過盤無抽過牌唔可以proceed,無跟住個乜chart物chart乜gate物gate乜type物type去做人唔得,無水晶無精油無彩油無___跟身覺得個世界好危險,唔有咁多方法學咁多方法唔不斷去search for information 覺得會出事,那就是問題。

根據以上情況,我會診斷為:靈性OCD (Spiritual Obsessive-Compulsive Disorder)。

工具,是外在的。
工具的出現,永遠是輔助性質。
工具出現的目的,一定不是想令你做成依附(如果某種出現的目的是想做成依附,醒目的就勸你唔好接觸唔好用)。
其實,大部份時間問題都不在工具,而是用工具的人。
To be exact, 是人對工具的attachement。

認清問題源頭是自身內在的恐懼和不信任,是與自己的本質斷了連繫。

Prescription: Stop. Turn your attention inside. Open into whatever is here. 在那裡,任何工具都變成unnecessary。Then the grasping is loosen and the attachment is weaken.

信任,不是一時三刻可以建立。
因此,「治療」「靈性OCD」,要很大的決心和勇氣去跨過那個「沒有(某)工具我死定了」的關口。因此,我對那些能看出工具的limitation和自身attachement的clients 和學生深表欣賞。

《治療師隨筆》- 真心聽

  
跟世上萬事萬物一樣,治療師都有分級數。

如果一個治療師,對你的issue的反應只能或只懂說「一切都是學習過程」,「所有都是反映你內在的鏡子」,「這些都是你當下需要經歷的」,「we are one」(打完都想嘔)之類的世界key,這個「治療師」實屬低級,於我的standard而言,連治療師的層次都未到。

何解?因為作為真正的治療師,第一件事是學懂「聆聽」。而以上的世界key, 全部的潛台詞均是deny client’s feelings, 同時又在spiritual ego的魔爪操控之下企圖放自己在高於client之位置扮高人。

如果你向一個人訴說你的issue,而那個人能給你一種感覺他/她完全明白亦感受到你當中所經歷的 (即輔導心理學中所說的高層次同理心 empathy。對,都說所有人和事都分級數,同理心亦然),無論他/她的身份是否一位治療師,他/她已經給了你最有quality的治療作用。

能夠做到真心聽的那一位,已經是最棒的治療師。相對而言,任你學了再多的戲法,但不懂聽,那麼,你極其量只是一個spritual asshole。

治療師,虛名而已。

Posted in be

級數

 

所有人和事,都分級數。

級數,就是用來differentiate質素。

以相機為例,將貴族級的Leica來跟草根級的Casio機仔去做比較,只會說明你是一個相機盲。

如果再退化一點,說Leica影出來的相(唔係講緊日製Leica)同Casio影出來的其實差不多,那更確定你對攝影根本無要求,或你雙眼球的構造是flat的。

在Leica的角度,它就是知道自己offer的比別人的質素高而好,所以不會放自己於豐澤百老匯任毫無誠意的人魚肉,亦不屑與Casio質素的一輩為伍而被誤解自己的substance。有誠意的識貨之人,歡迎去Leica Store走一趟,讓你細味它的獨特。想擁有?好啊!只要乎合願意付出和願意等待的條件,它很榮幸獲得你的認同和賞識。其他人嘛,請過主。

如果,你屬於Leica的級數而有人將你放在Casio的旁邊,錯不在你,問題在於那個對你的質素一無所知的人。

繼續當你的Leica發放自己的光芒,識貨之人自然會找上門來,千萬不要自貶身價與不同級數的人為伍。

Posted in be

無明

  
好多男生都中Star War毒。

你有無試過因為身邊的男生喜歡Star War而投其所好去研究當中人物和每集內容然後攪攪吓以為自己都是Star War粉?

我試過,還不只一次。

實情是,我入戲院睇star war會訓著亦完全無興趣研究佢咩事,對所有obi wan, jar jar bink, 白兵,黑武士,R2-D2徹頭徹尾地無感覺。

我寫得出《尋找快樂的神秘力量》中那篇《你喜歡吃怎樣煮的蛋?》,正是因為我曾經在愛情關係之中完全唔知自己做緊乜,深明當中的苦況和困惑。

然後我發現自己痛苦的源頭,痛定思痛後,在情感關係中不再需要背叛自己,跳出輪迴,做回自由自在的我。

Posted in be

Hermit Mama: The Important Question

  
個多月前的一個晚上,
宅媽如常充當陪訓員,
睡前與哥哥吹陣水。

當晚,我問了他一個問題。
問完才發現,原來我問了一個好重要亦好關鍵的問題。

我:B, mama做d咩你會感覺到mama好愛你架?
(心裡以為佢會答買玩具,買嘢食,和去玩之類的答案,點知…)
B: 摟住…
我:(心中淚崩…)係呀?咁mama摟實你先。
B:呀,仲有,抱!
我:係呀?(然後心中明白為何佢一發癲就想人摟想人抱…)你大個仔mama好難抱到你,dede抱你啦⋯⋯
B: 呀,仲有,錫!
我:係呀?好呀,mama係咁錫錫錫你….

原來,最基本,最簡單的就能令孩子感受滿滿的愛。
而這些基本是任何外在條件都取代不到的。
家長們的陷阱,大概是諗得太多,太複雜。

以後,哥哥一發癲,就摟住、抱、錫,
當他能感受愛,好快他就會變回正常人。
(當然,我當時如已被激到癲喪就無乜capacity可以咁做嘞⋯⋯)

每個孩子覺得自己被愛的方式都未必相同。
不如今晚就問問你的孩子這個important question,
讓他們教導你如何去愛。

Divine Protection


由於某些不知所謂的妖孽能量繼入侵hermit mama fb page之後又入侵本blog,妖氣衝天,再要搵堆arcturians and divine beings來幫宅媽捉邪捉鬼!

Posted in be

宅媽分享<探B的禮儀>

JAY_5649

幾年前我寫過<分手的禮儀>,今天我想寫探B的禮儀。

1. 人地個B出世後第一個月盡量不探B。因為人地亞媽生完攰到癲(尤其全母乳媽媽),唔得閒招呼你地一個二個,同埋你黎到唔理你又唔係,理你一陣掛住講攪到亂哂schedule又塞奶又谷奶就大鑊。要有自知之明,認清自己的身份和地位,除非你係對方最親最親的親人或有實際功能可以offer help(例如你是lactaction consultant又或者具有陪月/輔導功能)或者對方主動邀請,否則,想探B就遲d先,最好過埋100日先。。。

2. 滿月前咪探B另一原因是NEW BORN抵抗力有限,亞媽的細菌尚可work out到,但外人帶來的細菌是絕對不受歡迎,唔該咪以為自己無病無痛就等於無菌,常識話你知成條街同你成個人都有菌。

3. 唔該一入屋就用消毒梘液洗手或在街掂B前at least用消毒濕紙巾抹手。同埋唔該咪洗完手後用你條褲來抹手,常識話我知咁係等於無洗過。在街洗完手後你掂過廁所門柄或㩒過LIFT的話唔該再消過毒。

4. 千祈咪錫new born。都話你係細菌來源,而你d口水如果有菌的話更係highly contagious。而男生們,你的鬚根請勿掂到個B塊面,baby女生如果你長頭髮請張之紥起,這些都是newborn幼嫩皮膚的「刺激物」。

5. 同bb影相不能開閃光燈是常識。而這常識請銘記於心。

6. 探B時間要盡量遷就人地亞媽同個B的schedule。人地個B的nap hours你千祈咪去攪住人,事關人地亞媽可能已經幾日幾夜無訓而個B nap hours係佢唯一有機會攤吓的時間。擾亂人地的schedule,係死罪。因為個B一覺訓得衰或被disrupt schedule的aftermath係可能佢成晚都會發癲。你咁攪一攪,人地亞媽分分鐘為咗招呼你之後就要通頂。

7. 如果人地有一大一小,唔該㩒一㩒自己對小baby的hyper,先對大孩子打招呼。Sibling rivalry 有就梗架嘞。請sensitive一點,不要加重大孩子被left out的感覺。

8. 去探人之前可以的話請問一問人地亞媽有無特別嘢想食或需要買,尤其嗰d無人無物無工人的亞媽。你如此問一問可能對對方來說簡直有如天使降臨。

9. 見到人地個B, 除非是讚美說話,否則煩請收吓把口,咪對個B咁多comments或評頭品足,或者俾d unsolicited advice 企圖教人湊仔。父母,尤其是新手父母,尤其尤其是新手媽媽,對自己孩子的評語是超級sensitive的。可以的話,盡可能將焦點放在人地亞媽身上,關心一下她的狀況,instead of 啫住個B唔放。 當然,關心人地亞媽唔係叫你問人打算幾時修身之類會引起嚴重不安的問題。

10. 如果個B仍是100日之內,make your visit short 。一個鐘左右好徹退。都係嗰句,人地亞媽好攰。如果你係經驗媽媽有功能作用又唔同,去到幫人湊住個B兩三粒鐘(如果個B肯跟),俾人地亞媽訓個晏覺或放風落街食個tea或行個圈,我話你聽,呢個舉動足以令人地亞媽感激你一世。

(後按:多謝carol提醒,追加11.探b請勿搽香水。)
(後按2:
都話common sense一d都唔common。覺得探new born無需特別注意衛生的,一係無常識,一係唔係父母。
講緊new born, NEW BORN呀!
你唔覺得人地亞媽有責任保護自己的新生兒而將要你注意基本個人衛生說成無家教又潔癖又盛,只代表閣下自身品格或常識之問題,我都覺得人地亞媽大條道理唔歡迎你,你亦最好不要周圍害人,個b無你去探簡直幸運中之幸運。
不過,講到尾,我講緊嘅係禮儀,無品嘅人又點會睇得明呢?呢d好明顯係嗰堆傷風感冒都唔會覺得自己要戴口罩周圍打乞嗤咳又唔cover個口的毫無公德自私精。
世界上,無品無常識的人多到超乎常人可接受範圍,尤其是香港。)
(後按3:有人問都唔問擺咗篇<探b的禮儀>上高登,然後又話「怪獸家長是如何練成」乜乜乜。。。
香港呢個地方,真係無得救,鍾意乜都label,又怪獸家長又港女又毒L。。。唉。。。所以呢,有網媒想找我合作我都推哂,層次不同都係慳返啖氣。。。)

Posted in be

宅媽分享 《playgroup篇》

11200803_1594005260854196_5402460400947592379_n
Playgroup呢家嘢,其實係無乜必要去的。
因為pre-school最重要的是家長的用心陪伴,
在家中,在公園,在沙灘,在超市,到處都是探索和學習機會。

當初亞仔一歲時我加入了一星期兩次每次粒零鐘的waldorf playgroup,
主要,是為自己。
新手mama,無人無物,幾鍾意個b都好,日對夜對都覺悶。
加入playgroup, 識吓其他家長,
又睇下自己個b點同人interact,發現吓平時見佢唔到的一面,
唱下歌仔(尤其唱歌,因為無乜童年的我,原來無乜邊首nursery rhyme我係識嘅,我之後買左一堆惡補!) ,
做下手工,簡直make my day!

Waldorf 教育主張接近大自然,
所有玩嘅食嘅用嘅都係natural materials (主要係木,羊毛氈等),
d art craft真心creative又靚到爆炸,
上堂其中一項是搓面糰整包包或scone,整完即焗即在snack time食埋,
簡單receipe但又好味到極。
可惜上左幾個月,我地要搬去好遠,
連個校長都叫我唔好再上!
只因小朋友確實不宜山長水遠去返學的….

之後半年,一直無乜細藝,
好彩搬到世外,
行落街已經又山又水又花又草,
所以行下訓下又一day….

然後,去了一間montesorri playgroup,
又係一星期兩次。
亞仔憎到爆,本人亦然。
我唔覺得果度d細路係玩緊,
我覺得似返工多d,即使老師describe d「玩具」(實則為教具)都係”show me your work”。
What?????
最重要係我唔覺間學校d老師係喜歡小朋友果種,似trainer多d,
完全同我知的montesorri theory不同。
(先旨聲明,我只係講我去過果間,並唔係講緊間間montesorri都係咁)
所以,上左一個月(中間仲要走幾堂)就唔上了,
deposit都forfeit了。

之後,去了另一間無話自己係邊瓣的international school playcenter的summer school,
兩星期的暑期班,
主要係想去踩下線睇下d老師態度和教學方法如何。
感覺良好,老師真心關心和喜歡小朋友,
教學內容仲為主題教學,
手工方面不能要求靚到waldorf咁,
但好明顯可以cater到訓練小朋友感官和肌肉的目的,
亦配合主題教學有educational的成份。
最喜歡其不強迫,只invite的態度,
亦注重禮貌的培養。
結果,之後一年亞仔都在這間playcenter一星期上兩次 drop off playgroup,
見佢返得開心,又由唔識到開始識同人玩,
由唔睬人到捉住校工都吹餐水(仲中英皆可),
做亞媽就梗開心啦!

綜合經驗,我選學校會睇:
1. 學校教學風格
2. 老師態度
3. 學生反應
4. 自己和自己孩子的反應

如果間學校d學生係唔願返學的話,間學校吹到自己曉飛天都係廢。

開心,最緊要!

(圖為亞仔在waldorf的其中一個craft, 主題是秋天….)

Posted in be